Plantun de Prouvènço

Pèr coumpara dos planto d'encò nostre

Bupleurum fruticosum & Eleocharis palustris

Lengo-de-cat

Bupleurum fruticosum

Apiaceae Umbelliferae

Àutri noum : Auriho-de-lèbre, Fenoui-de-colo, Taco-bugado.

Noms en français : Buplèvre arbustif, Buplèvre ligneux.

Descripcioun :
La lengo-de-cat es un aubret, souleto Apiaceae coum'acò au nostre, que trachis dins li relarg secarous e cauquié. Si fueio an ges de péu, soun verdalo dessouto, e se ié vèi bèn li costo segoundàri (fotò). Li brout (oumbello) an de 7 à 20 rai. Lou fru, negre un cop madur, porto de costo que se vèson bèn.

Usanço :
Li racino e li fru sarien bon pèr lucha contro lou tussi, l'asme, e pèr ajuda à pissa. Se dis meme que lou fru èro emplega contro li pougnaduro de vipèro.

Port : Aubret
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 10 à 12 cm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Garrigo - Roucaio - Tepiero seco
Estànci : Mesoumediterran
Couroulougi : Estenoumediterranenco
Ref. sc. : Bupleurum fruticosum L., 1753

Bolo

Eleocharis palustris

Cyperaceae

Autre noum : Boio.

Noms en français : Souchet des marais, Héléocharis des marais.

Descripcioun :
La bolo es uno planto pulèu coumuno que trachis dins li palun, li mueio e en ribo d'aigo. En coumparesoun dis àutri meno de Eleocharis, fai d'espigueto pulèu longo (> 1 cm) que caup mai de 8 flour qu'an caduno dous estigmate (tres encò Eleocharis multicaulis). Lis escaumo soun bruno emé uno bando verdo que se vèi bèn (fotò). La subsp. presentado èi palustris emé dos escaumo esterlo à la baso dis espigueto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : ges
Tipe bioulougico :
Cicle bioulougico : Planto renadivo

Gènre : Eleocharis
Famiho : Cyperaceae

Coulour de la flour : Jauno
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Prado umido
Estànci : Termoumediterran à Subaupen
Couroulougi : Pancaro entresigna
Ref. sc. : Eleocharis palustris (L.) Roem. & Schult., 1817 (= Scirpus palustris L., 1953 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Bupleurum fruticosum & Eleocharis palustris

ges

Coumpara Lengo-de-cat emé uno autro planto

Coumpara Bolo emé uno autro planto